मोदींच्या शपथविधीला ममता बॅनर्जी जाणार !

नवी दिल्ली: लोकसभा निवडणुकीत विरोधकांचा दारूण पराभव करत भाजपप्रणीत एनडीएने ऐतिहासिक विजय मिळविला आहे. ३० रोजी नवीन सरकारचा शपथविधी होणार आहे. मोदी यावेळी दुसऱ्यांदा पंतप्रधान पदाची शपथ घेणार आहे. दरम्यान या शपथविधी सोहळ्याला कोण-कोण उपस्थित राहणार याबाबत चर्चा सुरु आहे. याबाबत पश्चिम बंगालच्या मुख्यमंत्री ममता बॅनर्जी यांना विचारणा करण्यात आली असता त्यांनी मी मोदींच्या शपथविधीला जाणार असल्याचे सांगितले. ‘हा एक औपचारिक कार्यक्रम असल्यामुळे मी त्याला जाण्याचा विचार करत असल्याचे ममता बॅनर्जी यांनी सांगितले. याबाबत मी इतर मुख्यमंत्र्यांशी बोलले असून तेही यासाठी उपस्थित राहणार असल्याचे बॅनर्जी यांनी सांगितले.

लोकसभा निवडणुकीत पश्चिम बंगालचे राजकारण संपूर्ण देशात चर्चेचा विषय बनला होता. याठिकाणी भाजप आणि तृणमूल कॉंग्रेसमधील संघर्ष टोकाला गेल्याचे पाहायला मिळाले.