कॉंग्रेस, जेडीएसने बहुमताची यादी राज्यपालांना सोपवली

बंगळुरु : कर्नाटकातला सत्तासंघर्ष अधिक तीव्र झाला आहे. काँग्रेस आणि जेडीएसच्या नेत्यांनी राजभवनात जाऊन राज्यपालांची भेट घेतली आहे. यावेळी जेडीएस आणि काँग्रेसने त्यांच्याकडे बहुमत असल्याचा दावा करत ११७ आमदारांच्या नावांची यादी राज्यपालांना सोपवली आहे. जेडीएसचे मुख्यमंत्रिपदाचे उमेदवार एच डी कुमारस्वामी आणि काँग्रेसचे नेते हजर होते. यावेळी मात्र राज्यपालांनी सत्ता स्थापनेच्या निमंत्रणाबाबत कुठलेही आश्वासन दिले नाही.