लाचखोरीच्या आरोपाखाली गुजरातमधील कॉंग्रेस आमदाराला अटक

गांधीनगर-मोरबी जिल्ह्यातील टँकर आणि सिंचन योजनांच्या दुरुस्ती आणि पुनर्निमाणाशी संबंधित एका घोटाळ्यात सहभागी असल्याच्या आरोपाखाली गुजरातमध्ये काँग्रेस आमदार पुरुषोत्तम साबरिया यांना मोरबी पोलिसांनी अटक केली आहे. धंग्रधढ येथील आमदार सावरिया यांनी गुजरात विधानसभेत हा मुद्दा उपस्थित न करण्याच्या बदल्यात मुख्य आरोपीकडून ४० लाख रुपयांची मागणी केल्याचा आरोप आहे. यापूर्वी आमदाराने १० लाख रुपये घेतले होते. दरम्यान, काँग्रेसने हा आरोप फेटाळला असून घोटाळ्यात सहभागी असलेल्या भाजपाच्या मोठ्या नेत्याला वाचवण्यासाठी पोलिसांनी साबरिया यांना लक्ष्य केल्याचा दावा केला आहे.

मोरबी पोलिसांच्या पथकाने त्राजपूर गावातील निवासस्थानावरुन साबरिया यांना ताब्यात घेतले होते. चौकशीसाठी त्यांना मोरबी शहरात आणले होते. दीर्घ चौकशीनंतर त्यांना औपचारिकरित्या ३ वाजता पोलिसांनी अटक केली.