कॉंग्रेसने सिद्धूवर कारवाई करावी: अमरिंदर सिंग

चंडीगड: पंजाबचे मुख्यमंत्री अमरिंदर सिंग आणि उपमुख्यमंत्री नवज्योत सिंग सिद्धू यांच्यातील शीतयुद्ध पुन्हा एकदा चव्हाट्यावर आले आहे. माझ्या जागी नवज्योत सिंग सिद्धू यांना मुख्यमंत्री व्हायचे आहे. पंजाबचे मुख्यमंत्री अमरिंदर सिंग यांनी खळबळजनक आरोप केला आहे. त्यामुळे पुन्हा एकदा पंजाबचे राजकारण लोकसभेच्या निकाला आधी तापू लागले आहे. नवज्योत सिंग सिद्धू हे नेहमी चुकीची विधाने करत असून त्यांच्यावर कॉंग्रेसने कारवाई करायला हवी असेही ते म्हणाले.

नवज्योत सिंग सिद्धू हे महत्त्वाकांक्षी आहे हे ठीक आहे, मी सिद्धुना लहानपणा पासून ओळखतो. त्यांच्यासोबत माझे कोणतेही वैचारिक मतभेद नाही. त्यांची महत्वाकांक्षा मोठी असल्याने त्यांना माझ्या जागी मुख्यमंत्री व्हायचे आहे, त्यामुळेच ते चुकीची विधाने करत असतात. त्यामुळे त्यांच्यावर कॉंग्रेसने कारवाई करावी अशी त्यांनी मागणी केली आहे. लोकसभेच्या निकालानंतर पंजाबच्या राजकारणात काय होते हे पाहणे औस्त्युक्याचे ठरेल.