बोगस बियाणे पुरवणाऱ्या कंपन्यांवर गुन्हे दाखल होणार

नांदेड-जे बोगस बियाणे आणि बोगस किटकनाशके पकडण्यात आले त्या सर्वांची चौकशी करुन संबंधीत कपन्यांवर गुन्हे दाखल करण्याच्या सुचना राज्याचे पर्यावरण मंत्री तथा नांदेड जिल्ह्याचे पालकमंत्री रामदास कदम यांनी जिल्हाधिका-यांना दिल्या. तसेच बोगस बियाणे आणि बोगस किटनाशके, खते पुरवणा-या कपन्यांविरोधात थेट गुन्हे दाखल करण्याचा इशारा देखील त्यांनी दिला आहे. नांदेड जिल्ह्यात गतवर्षी बोगस बियाणे आणि बोगस किटकनाशके तसेच खते मोठ्या प्रमाणात आढळली होती.

आगोदर शेतकऱ्यांना बोगस बियाणे, खते आणि किटकनाशके पुरवल्याचा धक्कादायक प्रकार पुढे आला होता. या प्रकरणी दोषींवर प्रशासनाने कारवाई केली होती. मात्र, ही कारवाई करताना कपन्यांएवजी विक्रेत्यांवर गुन्हे दाखल करण्यात आले होते. त्यामुळे यापुढे हा प्रकार टाळण्यासाठी बियाणे आणि बोगस किटकनाशके आढळल्यास थेट कंपनीविरूद्ध गुन्हे दाखल करण्याचे आदेश ना.कदम यांनी दिले.