डॉ. एल. झेड. पाटील यांना जीवनगौरव पुरस्कार

न्हावी । समता भ्रात्रू मंडळ, पिंपरी चिंचवड, पुणे यांनी लेवा पाटीदार समाजाचा स्नेहमेळावा आयोजित केला होता. ज्यांनी ७५ वर्ष पूर्ण केली आहे, त्यांचा सत्कार केला. डॉ. एल. झेड. पाटील यांनी साहित्य क्षेत्रात उत्कृष्ट कार्य केल्याबद्दल जीवन गौरव पुरस्कार देऊन गौरविण्यात आले. मंडळाचे अध्यक्ष सीताराम राणे यांच्या हस्ते स्मृतिचिन्ह शाल व पुष्पगुच्छ देऊन त्यांना जीवनगौरव प्रदान करण्यात आला. व्यासपीठावर रमेश इंगळे, अनिल परतणे, हेमंत झोपे, सुरेश फेगडे, दिगंबर महाजन, जयंत चौधरी, गिरीश पाटील, रघुनाथ फेगडे हजर होते. सूत्रसंचालन तथा आभार रवी बऱ्हाटे यांनी मानले.