गुरुदासपूर येथे फटाक्याच्या कारखान्यात स्फोट; १८ जण ठार

गुरुदासपूर: पंजाबमधील गुरुदासपूर येथे फटाक्याच्या कारखान्यात स्फोट झाल्याने १८ जणांचा मृत्यू झाल्याची दुर्दैवी घटना बुधवारी दुपारी घडली. यात ५० जण जखमी झाल्याची व्यक्त केली जात आहे. मृतांचा आकडा वाढण्याची शक्यता आहे.

घटनास्थळी बचावकार्य सुरु असून अनेकजण ढिगाऱ्याखाली अडकल्याची शक्यता असल्याची माहिती अधिकाऱ्यांनी दिली आहे. चार वाजण्याच्या सुमारास हा स्फोट झाला. हा कारखाना रहिवाशी वस्तीत आहे अशी माहिती पोलीस अधिकारी एसपीएस परमार यांनी दिली आहे. बचावकार्य करण्यासाठी एनडीआरएफ आणि एसडीआरएफची पथकं घटनास्थळी उपस्थित आहेत.