ही असणार चौथ्या वर्षपूर्तीनिमित्त मोदी सरकाची थीम

नवी दिल्ली: ‘४८ वर्षे विरुद्ध ४८ ” हा नारा देत मोदी सरकार आपल्या चौथ्या वर्षपूर्ती सोहळा साजरा करणार आहे. येत्या २७  मे रोजी मोदी सरकारला केंद्रात चार वर्षे पूर्ण होत आहेत. निवडणुका आता अवघ्या वर्षभरावर आल्याने यावेळी आपल्या कामाचा हिशेब देण्यासाठी, काँग्रेसच्या आणि आपल्या सरकारमधल्या कामगिरीचा फरक दाखवण्यासाठी ही थीम निवडण्यात आली आहे.

या निमित्ताने सरकारने केलेल्या कामांची माहिती जनतेपर्यंत पोहोचवण्यासाठी मोदी सरकारने नेहमीप्रमाणे जंगी कार्यक्रम आखला आहे. ४८ वर्षे विरुद्ध ४८ महिने अशा थीमवर आपले सरकार कके काँग्रेसच्या सरकारपेक्षा दमदार आहे हे सांगण्याचाही प्रयत्न होणार आहे. प्रत्येक गावात वीज पोहचवल्याचे लक्ष्य पूर्ण केल्याचा दावा सरकारने केला आहे. त्यानंतर आता घराघरात वीज पोहोचवण्याचं आपलं उद्दिष्ट असेल, उज्ज्वला योजनेच्या माध्यमातून आणखी पाच कोटी घरांमधला अंधार दूर केला जाईल, शिवाय दिवसाला ५०  किमी रस्ते बनवण्याचं महत्वकांक्षी लक्ष्य जनतेसमोर ठेवले जाणार आहे.

चार वर्षातील थीम
पहिल्या वर्षीची थीम- वर्ष एक, काम अनेक
दुस-या वर्षीची थीम- मेरा देश बदल रहा है, आगे बढ रहा है
तिस-या वर्षाची थीम- तीन साल बेमिसाल
चौथ्या वर्षाची थीम- ४८  साल बनाम ४८  महिने