गोव्यात प्रियकरासमोरच तरुणीवर बलात्कार

गोवा :- गोवा येथील समुद्र किनाऱ्यावर तीन नराधमांनी एका तरुणीवर सामूहिक बलात्कार केल्याची धक्कादायक घटना समोर आली आहे. प्रेमी युगल हे संध्याकाळी समुद्र किनाऱ्यावर गप्पा मारत असतांना तीन तरुण तिथे आले आणि त्या युगूलाला विवस्त्र करुन मारहाण केल्याचे सांगण्यात येत आहे. त्या तीन नराधमांनी तरुणीच्या प्रियकरासमोरच सामूहिक बलात्कार केला.

दक्षिण गोवाच्या एका समुद्र किनाऱ्यावर हे प्रेमी युगल बसले होते. त्याच वेळेस या तिघांनी त्या युगूलाला हटकले व त्यांच्याकडे पैशांची मागणी करू लागले. तिघांनी त्या युगूलाला मारहाण केली, तसेच त्यांना विवस्त्र करुन त्यांचे छायाचित्र देखील काढले. यानंतर त्या तिघांनी तरुणीवर सामूहिक बलात्कार केला. पीडित तरुणीचा प्रियकरही तिथेच होता. नराधमांनी त्याला बेदम मारहाण केल्याने तो काहीच करु शकला नाही, असे समजते. या प्रकरणी दक्षिण गोवामधील पोलीस अधीक्षक अरविंद गवस यांनी या घटनेवर प्रतिक्रिया दिली असून याबाबत गुन्हा दाखल करण्यात आला आहे. तसेच पीडित तरुणीची वैद्यकीय चाचणी करण्यात आली असून नराधमांचा शोध सुरु असून संशयितांची चौकशी सुरु असल्याचे पोलिसांनी सांगितले.