अनंतनागमध्ये ग्रेनेड हल्ला; नागरिक जखमी !

अनंतनाग: श्रीनगर- जम्मू काश्मीरच्या अनंतनागमध्ये आज शनिवारी ५ रोजी सकाळच्या सुमारास दहशतवाद्यांनी ग्रेनेड हल्ला केल्याची घटना समोर आली आहे. या ग्रेनेड हल्ल्यात अनेक जण जखमी झाले आहेत. जवानांनी या परिसराला घेराव घातला असून परिसरात शोध मोहीम सुरू करण्यात आली आहे.

अनंतनागमध्ये उपायुक्त कार्यालयाबाहेर शनिवारी सकाळी दहशतवाद्यांनी ग्रेनेड हल्ला केला आहे. यामध्ये अनेक लोक जखमी झाले आहेत. कार्यालयाबाहेर तैनात असलेल्या कर्मचाऱ्यांवर हा हल्ला करण्यात आला आहे. जखमींना उपचारासाठी तातडीने जवळच्या रुग्णालयात दाखल करण्यात आले आहे. तसेच परिसरात शोध मोहीम सुरू करण्यात आली आहे.

काश्मीरमध्ये दहशतवादी कारवायांना गती देण्यासाठी पाकिस्तान सातत्याने प्रयत्न करत आहे. मात्र सीमेवर सतर्क असलेले भारतीय लष्कराचे जवान पाकिस्तानकडून होणाऱ्या अशा कारवाया हाणून पाडत आहेत.