पुलवामात मतदान केंद्रावर ग्रेनेड हल्ला तर दोन ठिकाणी पतपेठींची तोडफोड !

नवी दिल्ली : लोकसभा निवडणुकीच्या पाचव्या टप्प्यासाठी आज मतदान होत आहे. देशभरातील 51 जागांसाठी आज मतदान होत आहे. मतदानासाठी मतदारांनी सकाळपासून मतदान केंद्राबाहेर रांगा लागल्या आहेत. तर दुसरीकडे अनुचित घटना घडल्या असून त्यामुळे मतदानाला गालबोट लागले आहे. दोन ठिकाणी मतदान यंत्रांची तोडफोड करण्यात आली आहे. तर काश्मीरमध्ये मतदान सुरू असतानाच पुलवामा येथे मतदान केंद्रावर ग्रेनेड हल्ला करण्यात आला आहे. या हल्ल्यात कोणीही जखमी व मृत झाल्याचे वृत्त नाही.

बिहारमधील गोपाळपुरमधील नयागाव मतदानकेंद्रावर EVM मशीनची तोडफोड करण्यात आली. तसेच छपरामध्ये रणजीत पासवान याने मतदान यंत्र फोडल्याप्रकणी अटक करण्यात आली आहे. तसेच पश्चिम बंगालमध्ये भाजपचे उमेदवार अर्जुन सिंग यांच्यावर काही कार्यकर्त्यांकडून हल्ला केला. यामुळे येथे गोंधळाची परिस्थिती निर्मा झाली होती.