सावखेडा येथे भूजल समृद्ध ग्राम स्पर्धा मूल्यांकन समितीची भेट

सावदा (प्रतिनिधी) – सावदा येथून जवळ असलेल्या सावखेडा बुद्रुक येथे दिनांक २३ रोजी अटल भूजल योजनेअंतर्गत राबविण्यात येणाऱ्या भूजल समृद्ध ग्राम स्पर्धेच्या मूल्यांकनाबाबत मा. उपविभागीय अधिकारी तथा दंडाधिकारी व तहसीलदार यांच्या अध्यक्षतेखाली मौजे सावखेडा बु ता रावेर ग्रामपंचायत येथे भूजल समृद्ध ग्राम स्पर्धेच्या मूल्यांकन समितीने भेट दिली व भूजल समृद्ध ग्राम स्पर्धेचे मूल्यांकन करण्यात आले.सदर मूल्यांकन दरम्यान पुढील बाबीवर गुणांकन करण्यात आले.

१) प्राथमिक तयारी लोकसहभाग व जनजागृती करणे आणि गाव शिवारातील भूजला बाबतची माहिती संकलित करणे.

२)लोकसभागातून पाण्याचा ताळेबंद जलसुरक्षा आराखडा व पीक नियोजन तयार करणे.३) समाविष्ट योजनांचे अभिसरण साध्य करणे.४) पाणी बचतीच्या उपाययोजना राबविणे.५)नाविन्यपूर्ण उपक्रम गावात राबविणे.६)पाऊस पाणी मोजमाप व भूजल पातळी नोंदि विषयक निरीक्षणे.७)फलनिष्पत्ती पारदर्शकता ८)जाहीर प्रकटन या प्रमुख मुद्दयावर चर्चा करून पाहणी करण्यात आली.

सदर भूजल समृद्ध ग्राम स्पर्धेचे मूल्यांकन तालुका स्तरीय समितीमार्फत करण्यात येत आहे

सदर बैठकीला तालुका यावल चे नायब तहसीलदार,तालुका कृषी अधिकारी, उपअभियंता(ग्रा.पा. पु.वि.),इ. कार्यालयाचे अधिकारी तसेच वरिष्ठ भूवैज्ञानीक कार्यालय भू.स.वि.यं. जळगाव चे कृष्णा देशपांडे व जिल्हा प्रकल्प व्यवस्थापन कक्ष चे एल इ सी तज्ञ मेघराज देसले व जलसंधारण तज्ञ अमोल राठोड व आशाकिरण(डी आय पी )जळगाव चे भूवैज्ञानिक आशिष भवाने व समुदाय संघटक तस्लीम तडवी उपस्थित होते.

सदर बैठकीला ग्रामपंचायत चे सरपंच युवराज कराड, उपसरपंच मुमताज तडवी ,भूजल मित्र गोपाळ पाटील, योगेश सैतवाल , निलेश महाजन , अल्लाउद्दीन तडवी , हर्षल बढे,तुषार कराड, उषाबाई पाटील,मनीषा पाटील,पुनम पाचपोळे व सर्व ग्रामपंचायत कर्मचारी , ग्रामस्थ व भूजल मित्र उपस्थित होते.

*फोटो – सावखेडा येथे भूजल समृद्ध ग्राम स्पर्धा मूल्यांकन समितीचे अधिकारी, उपसरपंच व भूजल मित्र*