अवैध धान्यसाठा प्रकरणी; चौधरी ट्रेड्सच्या मालकासहीत एकावर गुन्हा दाखल

रावेर(प्रतिनिधी):- जिल्हाधिकारी अमन मित्तल यांनी रावेरात अवैध धान्यसाठा करणा-या दोन गोदामांना सिल केल्या नंतर अखेर आज दहाव्या दिवशी आठ लाखाचा धान्यसाठा केला म्हणून चौधरी ट्रेड्सच्या मालकासहीत एकावर रावेर पोलिसात गुन्हा दाखल करण्यात आला आहे. यामुळे एकच खळबळ उडाली असुन धान्यसाठा करणा-यांची झोप उडाली आहे.

या बाबत वृत्त असे दि ३१ रोजी जिल्हाधिकारी अमन मित्तल यांनी शहरातील बुर-हानपुर रोड वरील दोन खाजगी गोदामात धान्याचा अवैधसाठा आढळुन आल्याने हे गोदामसिल करण्यात आले होते.मागील दहा दिवसात या प्रकरणी अहवाल व चौकशी करण्यात आल्या नंतर आज दि १० जून रोजी पुरवठा अधिकारी डी के पाटील यांनी रावेर पोलिस स्थानकात येऊन फिर्याद दिली आहे.यामध्ये आरोपी गणेश देवराम चौधरी रावेर यांच्या चौधरी ट्रेड्र्स नावाच्या गोदामात एकूण ७ लाख ७७ हजार २०० रुपयांचा धान्यसाठा आढळुन आला यामध्ये ९७ गहु कट्टे २०८ तांदुळाचे कट्टे ११ ज्वारी कट्टे १८० मका कट्टे १७,२५० बारदान आढळले तर आरोपी मो रिहान शेख मोईम (रा नागझिरी मोहल्ला) यांच्या गोदामा मध्ये २७,४५० रुपये किमतीचा माल यात ८ गहु कट्टे १७ तांदळाचे कट्टे असा एकूण दोघे गोदामा मध्ये आठ लाख ०४ हजार ६५० रुपये कीमतीच्या धान्याचा अवैध साठा मिळून आला म्हणून रावेर पोलिस स्टेशनला जिवनावश्यक कायदा १९५५ कलम ३ व ७ प्रमाणे आरोपीं विरुध्द गुन्हा दाखल करण्यात आला आहे. पुढील तपास सहायक पोलिस निरीक्षक सिध्देश्वर आखेगावकर करीत आहे.