केंद्र सरकारचा अर्थव्यवस्थेला मास्टर डोस; १० बँकांचे विलीनीकरण

नवी दिल्ली : मंदीच्या सावटाखाली असलेल्या अर्थव्यवस्थेला तेजीत आणण्यासाठी केंद्र सरकारने आणखी एक मोठे पाऊल उचलले आहे. सार्वजनिक क्षेत्रातील १० बँकांचे विलीनीकरण करून त्यातून चार नव्या बँकांची निर्मिती करण्यात येणार असल्याची घोषणा अर्थमंत्री निर्मला सीतारामन यांनी आज शुक्रवारी ३० रोजी केली. पत्रकार परिषदेत त्यांनी ही घोषणा केली. केंद्राच्या या महत्त्वपूर्ण निर्णयानंतर सार्वजनिक क्षेत्रातील बँकांची संख्या आता २७ वरून १२ वर येणार आहे.

पंजाब नॅशनल बँक, ओरिएंटल बँक ऑफ कॉमर्स आणि युनायटेड बँक ऑफ इंडिया या चारही बँकांच्या विलीनीकरणातून अस्तित्वात येणारी बँक देशातील दुसरी सर्वात मोठी बँक ठरणार आहे. कॅनरा बँक आणि सींडिकेट बँक यांचं विलीनीकरण होईल. त्यातून अस्तित्वात येणारी बँक देशातील चौथी सर्वात मोठी बँक असेल.

या बँकांचे विलीनीकरण
पंजाब नॅशनल बँक, ओरिएंटल बँक ऑफ कॉमर्स आणि युनायटेड बँक ऑफ इंडिया, कॅनरा बँक, सींडिकेट बँक, युनियन बँक, आंध्रा बँक आणि कार्पोरेशन बँक (पाचवी सर्वात मोठी बँक), इंडियन बँक, अलाहाबाद बँक (सातवी सर्वात मोठी बँक) या बँकेचे विलीनीकरण करण्यात आले आहे.