योग म्हणजे विभक्त समाजाचा सेतूच : पंतप्रधान नरेंद्र मोदी

जागतिक अंतरराष्ट्रीय योग दिन

डेहराडून । भारतासह जगभरात गुरुवारी आंतरराष्टीय योग दिन साजरा करण्यात येत आहे. चौथ्या आंतरराष्ट्रीय योग दिनानिमित्त देशभरात विविध कार्यक्रमांचे आयोजन करण्यात आले आहे. पंतप्रधान नरेंद्र मोदी यांनी उत्तराखंडमधील डेहराडूनमध्ये तब्बल 55 हजारांवर नागरीकांसोबत योग साधला केली. ‘दुभंगलेला समाज, विखुरलेल्या कुटुंबांना जोडण्याचे काम योग करते, योग म्हणजेच विभक्त समाजाचा जणू सेतूच आहे, असे प्रतिपादन मोदी यांनी या कार्यक्रमात केले.

डेहराडूनमधील फॉरेस्ट रिसर्च इन्स्टिट्युटमधील कॅम्पसमध्ये योगदिनानिमित्त आयोजित कार्यक्रमात पंतप्रधान नरेंद्र मोदी सहभागी झाले आहेत. यात उत्तराखंडचे राज्यपाल डॉ. के. के. पॉल, मुख्यमंत्री त्रिवेंद्र रावत, हरक सिंह रावत यांच्यासह जवळपास 55 हजार नागरिकांनी योगसाधना केली. तत्पूर्वी मोदी यांनी उपस्थितांना संबोधित केले. ‘गेल्या अनेक दशकांपासून उत्तराखंड योगाचे केंद्र बनला आहे. म्हणून हा उत्सव मोठ्या प्रमाणात येथे साजरा करण्यात येत आहे. संपूर्ण जगात योग उत्सव साजरा करण्यात येत आहे. म्हणून ही बाब भारतासाठी अभिमानास्पद आहे,’ असे मोदी म्हणाले.