तलवार घेवून दहशत निर्माण करणार्‍यास अटक
जळगाव – समता नगरात हातात तलवार घेवून नागरीकांमध्ये दहशत निर्माण करणार्‍या मनोज केशव पवार (वय-२४) रा. हमाल गल्ली समता नगर तरूणाला रामानंद नगर पोलीसांनी अटक केली. रामानंद नगर पोलीस स्थानकातील डिबी पथकाचे पो.ना. प्रदीप चौधरी यांना गोपनीय माहिती मिळाली. त्यानुसार रामानंद नगर पोलीस स्थानकाचे पोलीस निरीक्षक दिपक बुधवंत यांच्या मार्गदर्शनाखाली स.फौ. गोपाल चौधरी, पो.ना. प्रदीप चौधरी, पो.कॉ. ज्ञानेश्वर कोळी, पो.कॉ. रूपेश ठाकरे यांनी सापळा रचून मनोज पवार याला तलवारीसह रंगेहात पकडले. त्याच्याकडून तलवार जप्त करण्यात आली आहे. पो.कॉ. रूपेश ठाकरे यांच्या फिर्यादीवरून रामानंद नगर पोलीसात संशयित आरोपी मनोज पवार यांच्या विरोधात गुन्हा दाखल करण्यात आला आहे. पुढील तपास स.फौ. गोपाल चौधरी करीत आहे.