जपानमध्ये भूकंपाचे तीव्र धक्के; तीन जणांचा मृत्यू

टोकोयो-जपानच्या ओसाका प्रांताला सोमवारी भूकंपाचा तीव्र धक्का बसला. यात तीन जणांचा मृत्यू झाला आहे तर ९० पेक्षा जास्त लोक जखमी झाले आहे. मृतांमध्ये एका ९ वर्षांच्या मुलीचा समावेष आहे. ६.१ रिश्टर स्केल इतकी भूकंपाची तीव्रता होती. मृतांचा आकडा वाढण्याची भीती व्यक्त केली जात आहे.

स्थानिक वेळेनुसार सकाळी ७ वाजून ५८ मिनिटांच्या सुमारास भूकंपाचा धक्का बसला. अद्याप सुनामीचा इशारा देण्यात आलेला नाही, मात्र या भूकंपामुळे बरंच नुकसान झाल्याची शक्यता वर्तवली जात आहे. जपान टाइम्सनुसार, अण्वस्त्र तळ, बुलेट ट्रेनचे मार्ग आणि अन्य अनेक ठिकाणी नुकसान झाल्याची शक्यता आहे. अनेक रस्ते बंद करण्यात आलेत. सर्वाधिक फटका ओसाकाला बसला असून येथे भूकंपानंतर जवळपास १ लाख ७० हजार घरांमधील वीज पुरवठा ठप्प झाला आहे. ओसाकामध्ये स्विमींग पुलजवळ भिंत पडल्याने ८० वर्षीय वृद्ध व्यक्ती आणि ९ वर्षांच्या मुलीचा मृत्यू झाला.