‘मुलांनो खेळांमध्ये करिअर करू नका; जिमी निशमचे भावूक ट्वीट

लॉर्ड्स: विश्वचषक स्पर्धेच्या इतिहासात आजपर्यंत कधीही झाला नाही असा सामना काल विश्वचषक स्पर्धेच्या फायनलमध्ये झाला. २४१ धावांची बरोबरी झाल्यानंतर सुपर ओव्हरमध्ये देखील १५-१५ धावांची बरोबरी झाल्याने दोन्ही सामने टाय झाले. मात्र शेवटी चौकाराच्या जोरावर इंग्लंडसंघ विश्वविजेता ठरला. मात्र न्यूझीलंडच्या खेळाडूंनी शेवटपर्यंत झुंज कौतुकास्पद आहे. निकराची झुंज दिल्यानंतर विश्वविजेतेपदाने हुलकावणी दिल्याने न्यूझीलंडच्या खेळाडूंना कमालीचे दु:ख झाले आहे. न्यूझीलंडचा अष्टपैलू खेळाडू जिमी निशमने समर्थकांची माफी मागतानाच नव्या पिढीला एक भावूक संदेश दिला आहे. ‘मुलांनो खेळांमध्ये करिअर करून नका, जन्मल्या जन्मल्या बेकरीत काम करा किंवा अन्य काही करा आणि 60 वर्षे जगून सुखाने या जगाचा निरोप घ्या, पण खेळात येऊन नका’असे ट्विट निशमने केले आहे.

मात्र अगदी हातातोंडाशी आलेला विजय हुकणे न्यूझीलंच्या जिव्हारी लागले आहे. अशा दु:खी मनस्थितीतच न्यूझीलंडचा अष्टपैलू खेळाडून जिमी निशम याने ट्विट करून आपल्या समर्थकांची माफी मागितली आहे. ”आज आम्हाला पाठिंबा देणाऱ्या सर्व समर्थकांचे मी आभार मानतो. तुमचा पाठिंब्याचा आवाज मैदानानर आम्हाला ऐकू येत होता. आम्ही तुमचे स्वप्न पूर्ण करू शकलो नाही, आम्हाला माफ करा.

काल झालेल्या फायनलबाबत निशम म्हणतो. ”हे दु:खद आहे. पुढची एक वा दोन दशके अशी असतील जेव्हा मी कुठल्याही सामन्याच्या शेवटच्या अर्ध्या तासाचा विचारही करणार नाही. इंग्लंडच्या संघाला शुभेच्छा. ते विजेतेपदासाठी पात्र होते.