कात्रजमध्ये कोयता गँगची दहशत; अल्पवयीन मुलांकडून एकावर कोयत्याने वार

विशाल विठ्ठल धुळे (वय १८, रा. जय शंकर अपार्टमेंट, कात्रज) असे गंभीर जखमी झालेल्याचे नाव आहे. त्याने याबाबत भारती विद्यापीठ पोलीस ठाण्यात फिर्याद दिली आहे. या प्रकरणी तीन अल्पवयीन मुलांविरुद्ध गुन्हा दाखल करण्यात आला असून, गुन्हा दाखल करण्यात आलेल्या तीन मुलांचे वय १५ वर्षे आहे. अल्पवयीन मुलांचा विशाल याच्याशी वाद झाला होता. तो कात्रज भागातील किनारा हाॅटेल परिसरातून निघाला होता. त्या वेळी तिघांनी त्याला अडवून त्याच्यावर कोयत्याने वार केले.