ईडीकडून बीसीसीआय, ललित मोदींना १२१ कोटींचा दंड

नवी दिल्ली :- नुकताच ११ वा इंडियन प्रीमियर लीग (आयपीएल) स्पर्धा पार पडला. बीसीसीआयला या स्पर्धेत चांगला फायदा होत असतो. तसेच यामधील गुंतवणूकदारांनाहि भरपूर आर्थिक फायदा झाला आहे. मात्र, सक्तवसुली संचलनालयाने (ईडी) याच बीसीसीआयला आणि आयपीएलच्या काही माजी अधिकाऱ्यांना दणका दिला आहे. आयपीएलच्या २००९च्या हंगामासाठी सुमारे १२१ कोटींचा दंड ईडीकडून ठोठावण्यात आला आहे. फेमा अॅक्टनुसार हा दंड ठोठावण्यात आला आहे.

२००९ साली आयपीएलचे आयोजन दक्षिण आफ्रिकेत करण्यात आले होते. परंतु त्यावेळी चुकीच्या पद्धतीने सुमारे २४३ रक्कम भारताबाहेर ट्रान्स्फर करण्यात आल्याचा आरोप या प्रकरणी ठेवण्यात आला आहे. २००९ साली निवडणुकांमुळे सामन्यांचे आयोजन भारतात होऊ शकले नव्हते. या सामन्यांचे भारताबाहेर म्हणजेच दक्षिण आफ्रिकेत आयोजन करण्यात आले.

असे ठोठावले दंड
ईडीने या प्रकरणी बीसीसीआयला ८२ कोटी ६६ लाखांचा, मंडळाचे माजी अध्यक्ष एन. श्रीनिवासन यांना ११ कोटी ५३ लाखांचा आयपीएलचे माजी कमिशनर ललित मोदीला ९ कोटी ७२ लाखांचा, मंडळाचे माजी खजिनदार एमपी पांडव यांना ९ कोटी ७२ लाखांचा तर स्टेट बँक ऑफ इंडियामध्ये विलीनीकरण करण्यात आलेल्या स्टेट बँक ऑफ त्रावणकोर बँकेला ७ कोटी रुपयांचा दंड ठोठावण्यात आले आहे. तसेच ४५ दिवसांच्या आत दंड भरण्याचे निर्देश दिले आहेत.