फसवणूक प्रकरणात प्रसिद्ध उद्योगपती लक्ष्मी मित्तल यांच्या भावाला अटक !

बोस्निया: भारतातील प्रसिद्ध स्टील उद्योगपती लक्ष्मी मित्तल यांचे लहान भाऊ उद्योगपती प्रमोद मित्तल यांना फसवणूक आणि सत्तेचा दुरुपयोग केल्याच्या प्रकरणात अटक करण्यात आली आहे. आज बुधवारी त्यांना न्यायालयात हजर केले जाणार आहे. जीआयकेआयएलमध्ये अपहर केल्याचा त्यांच्यावर आरोप आहे. प्रमोद मित्तल 2003 पासून ही कंपनी चालवत आहेत. या कंपनीत एक हजार कर्मचारी कार्यरत आहेत. जीआयकेआयएलमध्ये ते अध्यक्ष आहेत.

या घोटाळ्यात कंपनीचे जनरल मॅनेजर परमेश भट्टाचार्य आणि सुपरवायजरी बोर्डाच्या आणखी एका सदस्याला अटक करण्यात आली आहे. या प्रकरणात प्रमोद मित्तल दोषी आढळल्यास त्यांना 45 वर्षांची शिक्षा होण्याची शक्यता सरकारी वकिलांनी व्यक्त केली आहे. मित्तल आणि इतर दोघांनी मिळून 28 लाख डॉलर (19.32 कोटी रुपये)ची अफरातफर केल्याचा आरोप आहे. मार्चमध्ये प्रमोद मित्तल यांना मोठे भाऊ लक्ष्मी मित्तल यांनी 1600 कोटी रुपये देऊन कारवाईपासून वाचवलं होतं. प्रमोद यांच्यावर स्टेट ट्रेडिंग कॉर्पोरेशन (एसटीसी)चं 2210 कोटी रुपयांचं कर्ज आहे.