कृषी मंत्री पांडुरंग फुंडकर यांचं निधन
हृदयविकाराचा तीव्र झटका ; महाराष्ट्राच्या राजकारणातील बडा चेहरा हरपला
मुंबई : कृषी मंत्री पांडुरंग फुंडकर यांचं गुरुवारी पहाटे 4.32 वाजता हृदयविकाराने निधन झाले. ते 67 वर्षांचे होते. हृदयविकाराच्या झटक्यामुळे त्यांना गुरुवारी पहाटे मुंबईतील ब्रिच कँडी रुग्णालयात दाखल करण्यात आलं होतं. पांडुरंग फुंडकर यांच्या अकाली निधनाने भाजपसह सर्वच पक्षांना मोठा धक्का बसला. फुंडकर हे काही आजारी नव्हते मात्र हृदयविकाराने त्यांना अवचित गाठल्याने, महाराष्ट्राच्या राजकारणातील बडा चेहरा हरपला आहे. महाराष्ट्रात भाजप वाढवण्यासाठी पांडुरंग फुंडकर यांचं मोठं योगदान आहे. गोपीनाथ मुंडेंसोबत त्यांनी महाराष्ट्रात भाजपचा प्रचार आणि प्रसार केला. ग्रामीण आणि शेती प्रश्नाची जाण असल्याचा नेता म्हणून फुंडकर परिचीत होते. फुंडकर यांनी भाजपचं प्रदेशाध्यक्षपदही भूषवलं होतं.
Maharashtra Agriculture Minister Pandurang Pundalik Fundkar passed away last night after suffering a cardiac arrest.
— ANI (@ANI) May 31, 2018
अतिशय वाईट आणि धक्कादायक बातमी!
आमचे ज्येष्ठ नेते, माझे मंत्रिमंडळातील सहकारी, राज्याचे कृषीमंत्री श्री भाऊसाहेब फुंडकर यांचे आज निधन झाले.
त्यांच्या निधनामुळे मी एक ज्येष्ठ सहकाऱ्याला आणि मार्गदर्शकाला मुकलो आहे. शेती आणि सहकारातील प्रश्नांची जाण असलेला नेता आपण गमावला आहे.— Devendra Fadnavis (@Dev_Fadnavis) May 31, 2018
विरोधी पक्षनेते, आमदार, संसद सदस्य, भाजपचे प्रदेशाध्यक्ष अशा अनेक जबाबदाऱ्या त्यांनी भक्कमपणे सांभाळल्या आणि पक्षाला नव्या उंचीवर नेण्यात मोठे योगदान दिले. मी त्यांच्या कुटुंबियांच्या, आप्त-मित्रांच्या, कार्यकर्त्यांच्या दुःखात सहभागी आहे. भाऊसाहेबांना माझी भावपूर्ण श्रद्धांजली!
— Devendra Fadnavis (@Dev_Fadnavis) May 31, 2018
राज्याचे कृषीमंत्री पांडुरंग फुंडकर यांच्या निधनामुळे कृषी, सहकार व ग्रामीण भागातील प्रश्नांची जाण असणारे नेतृत्व काळाच्या पडद्याआड गेले, त्यांना भावपूर्ण श्रद्धांजली! pic.twitter.com/Bg95Jxs8W1
— Ashok Chavan (@AshokChavanINC) May 31, 2018
आदरणीय भाऊसाहेबांच्या निधनाने शांत, संयमित, निगर्वी, समर्पित कार्यकर्ता, अजातशत्रू व्यक्तिमत्वं काळाच्या पडद्याआड गेले आहे. मी माझे वैयक्तिक मार्गदर्शक गमावले आहेत.त्यांच्या निधनानं राज्याच्या राजकीय व सामाजिक क्षेत्राचं मोठं नुकसान झालं आहे, त्यांना भावपूर्ण श्रद्धांजली . pic.twitter.com/DRwDZZJqU5
— Dhananjay Munde (@dhananjay_munde) May 31, 2018
राज्याचे कृषीमंत्री भाऊसाहेब फुंडकर यांच्या आकस्मिक निधनाचे वृत्त अत्यंत धक्कादायक आहे. ते एक संवेदनशील, अनुभवी नेते होते. आमदार, विरोधी पक्षनेते, मंत्री अशा प्रत्येक भूमिकेला त्यांनी प्रामाणिकपणे न्याय देण्याचा प्रयत्न केला. भाऊसाहेब फुंडकर यांना माझी भावपूर्ण श्रध्दांजली! pic.twitter.com/SL9vzsAfEx
— R Vikhe Patil (@RVikhePatil) May 31, 2018