खुश खबर: मान्सून कोकणात दाखल

मुंबई: सर्वांच्या नजरा पावसावर लागल्या आहेत. मान्सूनची प्रतीक्षा लागली आहे, अखेर कोकणात दाखल झाला आहे. या वर्षी महाराष्ट्रात काहीशा उशिराने दाखल झाला आहे. हवामान खात्याने कोकणात मान्सून दाखल असल्याची माहिती जाहीर केली. आगामी काही दिवसात राज्यातही मान्सून हजेरी लावणार असल्याचा अंदाज आहे. मागील आठवड्यात आलेल्या वायू वादळामुळे मान्सूवर परिणाम होणार असल्याची शक्यता त्यावेळी वर्तवण्यात येत होती. शिवाय, वायू वादळानंतर झालेल्या बदलामुळे मान्सून दाखल होण्यास उशीर लागणार असल्याचे वृत्त होते. आज हवामान खात्याने मान्सून कोकणातील आणि दक्षिण-मध्य महाराष्ट्रातील भागात दाखल असल्याचे जाहीर केले. आगामी दोन-तीन दिवसात राज्यातील काही भागातील हवामान पावसाची अनुकूल असणार असल्याचा अंदाज आहे.