आणखी एका मराठा तरुणाची आत्महत्या

परभणी-मराठा आरक्षणासाठी आत्महत्या करण्याचे सत्र थांबण्याचे नाव घेत नसल्याचे चित्र आहे. आज देखील आणखी एका तरुणाने आत्महत्या केल्याची घटना घडली. अनंत लेवडे-पाटील (ता. सेलू, जि. परभणी) असे आत्महत्या केलेल्या तरूणाचे नाव आहे. मराठा आरक्षणासाठी बलिदान देत आहे, असे त्याने आत्महत्येपूर्वी फेसबुकवर टाकलेल्या पोस्टमध्ये म्हटले होते.

अनंत लेवडे-पाटील या तरुणाने आज सकाळी शेतात जाऊन अंगावर रॉकेल ओतून पेटवून घेतले. आत्महत्येपूर्वी त्याने फेसबुकवर पोस्ट टाकली होती. ‘मराठा समाजासाठी बलिदान देत आहे. देशासाठी काही करता आले नाही. मात्र, मराठा समाजासाठी बलिदान देत आहे,’ असे त्यानं फेसबुक पोस्टमध्ये म्हटले होते.