मराठा आंदोलनात जखमी तरुणाचा मृत्यू

मुंबई-मराठा आरक्षण आंदोलनादरम्यान झालेल्या हिंसाचारात जखमी झालेल्या एका तरुणाला आपला जीव गमवावा लागला आहे. रोहन तोडकर (२१) असे या तरुणाचे नाव आहे. नवी मुंबईतील कोपरखैरणे येथे दगडफेकीत रोहन तोडकर जखमी झाला होता. त्याच्या डोक्याला गंभीर दुखापत झाली होती. जे.जे.रुग्णालयात त्याच्यावर उपचार सुरु असतांना त्याचा मृत्यू झाला. रोहनला अतिदक्षता विभागात ठेवण्यात आले होते.

बुधवारी मुंबईसह अनेक ठिकाणी बंदची हाक देण्यात आली होती. मात्र मुंबई वगळता इतर ठिकाणी दुपारनंतर आंदोलनाला हिंसक वळण लागले होते. पोलिसांनी कारवाई करत नवी मुंबईतील आंदोलनात हिंसा करणाऱ्या ५६ जणांना ताब्यात घेतले आहे. यामध्ये काही परप्रांतीय असल्याचे समोर आले आहे.