मुक्ताईनगर नगरपंचायतीला ग्रामविकास मंत्रालयाच्या माध्यमातून चार ते पाच कोटी रुपये देणार … मंत्री गिरीश महाजन 

मुक्ताईनगर- प्रतिनिधी | .... मुक्ताईनगर नगरपंचायतीला लवकरच चार ते पाच कोटी रुपयांचा विकास निधी देणार असून कोरोनाच्या काळामध्ये माजी मुख्यमंत्री उद्धव ठाकरे हे एक दिवसही मंत्रालयामध्ये पायरी चढले नाही , कोरोना काळामध्ये मोठ्या प्रमाणात भ्रष्टाचाराचा आरोप त्यांनी उद्धव ठाकरे यांच्यावर ग्रामविकास मंत्री गिरीश महाजन यांनी केले . आमदार मंगेश चव्हाण यांनी खडसे यांच्या विरोधात जेव्हाही लढायचे असेल तेव्हा समविचारी पक्षांसोबत लढू असे सांगतांनाच खडसे या विषयाचे ऑडीट होणार, ते जनतेसमोर येणार, याशिवाय याला पूर्णविराम नाही असे आज 31 जुलै रोजी पुन्हा मुक्ताईनगरातून नाथाभाऊंना आव्हान दिले. नजमा तडवी यांनी नगराध्यक्षपदाचा कार्यभार सांभाळल्यानंतर मुक्ताईनगर नगरपंचायतीच्या आवारात झालेल्या सभेमध्ये आमदार चव्हाण यांनी सांगितले.काहीही झाले की त्यांना नाथाभाऊच दिसतात असे आ. एकनाथराव खडसे यांनी जळगाव येथे पत्रकारांशी बोलताना ना. गिरीश महाजन व आ.मंगेश चव्हाण यांच्यावर पलटवार केला.

 

 

जात पडताळणी प्रकरणी अपात्रतेला स्थगिती मिळाल्यानंतर येथील नगरपंचायतीच्या नगराध्यक्षपदाची सूत्रे आज पुन्हा नजमा तडवी यांनी स्वीकारली. याप्रसंगी ना. गिरीश महाजन व आ. मंगेश चव्हाण यांच्यासह भाजपचे पदाधिकारी व कार्यकर्ते उपस्थित होते.

मुक्ताईनगर नगरपंचायतीच्या २०१८ साली झालेल्या निवडणुकीत सुरेखा अफजल तडवी उर्फ नजमा इरफान तडवी यांनी भारतीय जनता पक्षाच्या तिकिटावर लोकनियुक्त नगराध्यक्षपदाची निवडणूक लढवून विजय संपादन केला होता. नगराध्यक्षपद अनुसूचित जमातीसाठी राखीव असल्याने नियमानुसार त्यांनी सहा महिन्यांच्या आत आणि सुधारित निर्देशानुसार एक वर्षाच्या आत आपले जात प्रमाणपत्र सादर करणे बंधनकारक होते.

दरम्यान, गिरीश रमेश चौधरी यांनी जळगावच्या जिल्हाधिकाऱ्यांकडे नजमा तडवी यांना अपात्र करण्यात यावे अशा मागणीचे अपील सादर केले होते. यावर सुनावणी झाल्यानंतर जिल्हाधिकारी अभिजीत राऊत यांनी नजमा तडवी यांना ८ नोव्हेंबर २०२१ रोजी अपात्र ठरविले होते.

दरम्यान, नजमा तडवी यांनी आमदार चंद्रकांत पाटील आणि आमदार मंगेश चव्हाण यांच्या माध्यमातून ना. गिरीश महाजन व पालकमंत्री ना. गुलाबराव पाटील यांच्या माध्यमातून मुख्यमंत्र्यांना भेटल्या. यातून अलीकडाच त्यांच्या अपात्रतेला स्थगिती देण्यात आली असून ७ ऑगस्ट रोजी या प्रकरणी मुख्यमंत्र्यांकडे सुनावणी होणार आहे. तर दुसरीकडे १७ ऑगस्ट रोजी नगरपंचायतीच्या पंचवार्षिकचा कालावधी पूर्ण होत असून नंतर प्रशासकराज येणार आहे. याआधी तडवी यांना अल्प काळ मिळणार असला तरी राजकीयदृष्ट्या तो अतिशय महत्वाचा मानला जात आहे.

 

या अनुषंगाने, नजमा तडवी यांनी आज जोरदार शक्ती प्रदर्शन करत मुक्ताईनगर नगरपंचायतीच्या नगराध्यक्षपदाची सूत्रे पुन्हा हाती घेतली. याप्रसंगी ग्रामविकास मंत्री ना. गिरीश महाजन, आमदार मंगेश चव्हाण, आ. राजुमामा भोळे, जि प चे माजी अध्यक्ष अशोक कांडेलकर , रावेर लोकसभा अध्यक्ष नंदकिशोर महाजन, भा.ज.पा जिल्हाध्यक्ष अमोल जावळे,भा.ज.पा जिल्हाध्यक्ष जळकेकर महाराज,बेटी बचाव बेटी पढाव चे राष्ट्रीय संयोजक डॉ. राजेंद्र फडके, प्रदेश उपाध्यक्षा स्मिता वाघ, माजी समाज कल्याण सभापती जयपाल बोदडे, वरणगाव चे माजी नगराध्यक्ष सुनील काळे जळगाव महानगर अध्यक्ष उज्वला बेंडाळे, पद्माकर महाजन, हीरालाल चौधरी, विधानसभा क्षेत्र प्रमुख ललित महाजन, डी एस चव्हाण, ता. अध्यक्ष प्रफुल्ल जवरे, सरचिटणीस चंद्रकांत भोलाने, विनोद पाटील , पंकज कोळी , रावेर ता. अध्यक्ष राजन लासुलकर, श्रीकांत महाजन, विजय बडगुजर,शिवसेनेचे तालुकाप्रमुख छोटू भोई, अफसर खान, आरीफ आझाद नागरीक व भा.ज.पा पदाधिकारी व कार्यकर्ते उपस्थित होते.

 

@@@@- आधी मुक्ताईनगर खिशात होते, आता राहिले काय ? : महाजनांनी खडसेंना डिवचले.

आधी तुमच्याकडेच सर्व पदे होती, सर्व मुक्ताईनगर तुमच्या खिशात होते, आता राहिले काय ?” असा प्रश्न करीत ग्रामविकास मंत्री ना. गिरीश महाजन यांनी आ. एकनाथ खडसे यांना डीवचले असून लवकरच आठ दिवसांमध्ये मुक्ताईनगर नगरपंचायतीला ग्रामविकास विभागाच्या माध्यमातून चार ते पाच कोटी रुपयांचा निधी देणार असल्याचे मंत्री महाजन यांनी सांगितले.

 

@@@ काहीही झाले की त्यांना नाथाभाऊच

 

दिसतात : खडसेंचे प्रत्युत्तर

 

नजमा तडवी यांची अपात्रता ही नियमानुसार झाली असून भाजप नेते मात्र काहीही झाले की माझे नाव घेतात. काहीही झाले की त्यांना नाथाभाऊच दिसतात असे नमूद करत आ. एकनाथराव खडसे यांनी ना. गिरीश महाजन व आ.मंगेश चव्हाण यांच्यावर पलटवार केला.