केंद्रीयमंत्री अनंतकुमार हेगडे यांचा यूटर्न; ट्विटर अकाऊंट हॅक झाल्याची बतावणी

नवी दिल्ली: भाजपच्या भोपाळमधील लोकसभेच्या उमेदवार प्रज्ञासिंह ठाकूर नथुराम गोडसे यांनी महात्मा गांधी यांचे मारेकरी नथुराम गोडसे हे देशभक्त होते, असे वादग्रस्त विधान केले होते. या विधानाचे केंद्रीय मंत्री अनंत कुमार हेगडे यांनी समर्थन केले होते, तसे ट्वीट त्यांच्या ट्वीटर अकाऊंटवरून करण्यात आले होते. यानंतर टीका होऊ लागल्याने हेगडे यांचा यूटर्न घेतले असून माझे ट्विटर अकाऊंट गुरुवारपासून हॅक झाले होते. महात्मा गांधींजींच्या हत्येचे कधीच समर्थन करता येणार नाही आणि त्यांच्या मारेकऱ्यांविषयी सहानूभूती दाखवणे चुकीचे आहे, असे म्हटले आहे.

महात्मा गांधी यांचा मारेकरी नथुराम गोडसे हा देशभक्त होता, तो देशभक्त आहे आणि तो देशभक्तच राहील, असे वादग्रस्त विधान प्रज्ञासिंह यांनी केले होते. यामुळे भाजपाच्या अडचणी वाढल्या होत्या. प्रज्ञासिंह यांच्या विधानाशी भाजप सहमत नाही, असे पक्षातर्फे स्पष्ट करण्यात आले होते. मात्र, शुक्रवारी सकाळी केंद्रीय राज्यमंत्री आणि भाजपा नेते अनंतकुमार हेगडे यांनी पक्षाविरोधात भूमिका घेत साध्वी प्रज्ञासिंह यांच्या विधानाचे समर्थन केले होते. सात दशकानंतर सध्याची पिढी एका बदललेल्या वैचारिक वातावरणात गोडसेबाबत चर्चा करत आहे. ही चर्चा पाहून गोडसेलाही आनंद झाला असेल, असे त्यांनी या ट्विटमध्ये म्हटले होते.