आता वाहतूक पोलिसांनी पकडल्यास मूळ कागदपत्राची आवश्यकता नाही

नवी दिल्ली- वाहतुकीच्या नियमाचे उल्लंघन केल्यास ट्राफिक पोलिसांनी पडकल्यानंतर वाहतूक परवाना किंवा मूळ कागदपत्रे पोलिसांकडे सोपवण्याची किंवा दाखवण्याची गरज नाही. आता तुमच्या मोबाइलमध्ये असणारी कागदपत्रांची ई-कॉपी जरी दाखवली तरी काम भागणार आहे. केंद्राने राज्यांमधील वाहतूक विभाग आणि ट्राफिक पोलिसांना तपासणी करण्यासाठी मूळ कागदपत्रे घेऊ नका असा आदेश दिला आहे.

माहिती तंत्रज्ञान (आयटी) कायद्यामधील तरतुदींचा उल्लेख करत वाहतूक मंत्रालयाने ट्राफिक पोलीस आणि राज्यातील अन्य वाहतूक विभागांना आदेश दिला आहे की, ड्रायव्हिंग लायसन्स, रजिस्ट्रेशन सर्टिफिकेट आणि इन्शुरन्स पेपरसारख्या कागदपत्रांची मूळ प्रत तपासणीसाठी घेतली जाऊ नये. डिजीलॉकर किंवा एमपरिवहन अॅपमध्ये असणारी कागदपत्रांची ई-कॉपी दाखवली तरी चालणार आहे. याचा अर्थ ट्राफिक पोलीस आपल्याकडील मोबाइलवरुन क्यूआर कोड स्कॅन करत चालक किंवा वाहनाची संपुर्ण माहिती डेटाबेसवरुन मिळवू शकतात. त्यासाठी मूळ कागदपपत्रे ताब्यात घेण्याची गरज नाही.