आषाढी एकादशीच्या पर्वावर संत मुक्ताबाई सव्वा क्विंटल खजुराची आरास

…….श्री संत मुक्ताबाई समाधीस्थळ श्रीक्षेत्र कोथळी मुक्ताईनगर मूळमंदिर येथे आषाढी एकादशी निमित्त माजी मंत्री आमदार

एकनाथरावजी खडसे यांच्या शेतातील खजुराची नयनरम्य आरास करण्यात आली.

आज देवशयनी आषाढी एकादशी निमित्त कोथळी येथील श्री संत मुक्ताई मुळमंदिरात पहाटेपासूनच भाविकांच्या रांगा दर्शनासाठी लागल्या होत्या. संदीप महाराज मोतेकर यांनी मंगल काकड आरती व महापूजा केली. जे भाविक आषाढी एकादशीला पंढरपूरला जाऊ शकले नाही ते मुक्ताई दर्शनातच पांडुरंगाचे दर्शन घेतात अशी ख्याती आहे . त्यामुळे दिवसभर हजारो भाविक दर्शनाकरिता येतील असा अंदाज आहे. सकाळी पाऊस आल्याने भाविक दर्शनाचा आनंद द्विगुणित झाला. आमदार एकनाथरावजी खडसे यांच्या शेतातील सव्वा क्विंटल ताज्या बरई खजुराची आरास भाविकांचे लक्ष वेधून घेत होते. दुपारी प्रवचन कीर्तन रात्री हरिजागर आदि कार्यक्रम आयोजन करण्यात आले आहे अशी माहिती कोथळी मूळ मंदिराचे व्यवस्थापक ह भ प उद्धव महाराज जुनारे यांनी दिली. तसेच मुक्ताईनगर येथील नवीन मुक्ताई मंदिर , मेहुण येथील मुक्ताई मंदिरात एकादशीनिमित्त भाविकांनी दर्शनासाठी गर्दी केली होती.