पाच वर्षात मोदी प्रथमच अयोध्येत घेणार सभा?

अयोध्या: पंतप्रधान नरेंद्र मोदी हे सध्या देशभरात प्रचारसभा घेत आहेत. दरम्यान आता ते १ मे रोजी अयोध्येत प्रचारसभा घेणार असल्याचे वृत्त आहे. पाच वर्षांमध्ये मोदी पहिल्यांदाच अयोध्येत जाणार असून या सभेद्वारे भाजपा हिंदू मतांना आकर्षित करण्याचा प्रयत्न करत असल्याची चर्चाही सुरु झाली आहे. मात्र याबाबत अद्याप भाजपाकडून कोणतीही अधिकृत माहिती देण्यात आलेली नाही.