धक्कादायक: पीएमओकडे माजी पंतप्रधानांच्या आयकर परताव्याची नोंदच नाही !

नवी दिल्ली: पंतप्रधान कार्यालयाकडे माजी पंतप्रधानांच्या आयकर परताव्याची कोणतीही नोंद नसल्याची धक्कादायक माहिती समोर आली आहे. पीटीआयने माहितीच्या अधिकारातून माहिती मागितली असता, त्यांना ही धक्कादायक माहिती मिळाली.

माहिती अधिकार नियमानुसार ही माहिती देणे बंधनकारक नाही. मागितलेली माहिती ही वैयक्तिक स्वरुपाची आहे. त्यामुळे, माहिती अधिकार कलम 8 (1) (आय) नुसार ही माहिती देता येणार नाही. असा दावा पंतप्रधान कार्यालयाकडून करण्यात आला आहे. प्रत्यक्षात मात्र कायद्यानुसार, संसेद्त किंवा विधानसभा मध्ये एखादी माहिती दिली जात असेल तर, ती माहिती कोणत्याही व्यक्तीला किंवा सार्वजनिकरीत्या देण्यास टाळता येत नाही. पंतप्रधान मोदींना मागील 18 वर्षात आतापर्यंत 5 वेळा आयकर परतावा मिळाला आहे. प्राप्तिकर विभागाच्या कर माहिती नेटवर्कद्वारे रिफंडच्या स्थितीबाबत ऑनलाइन दिल्या जाणाऱ्या माहितीच्या सेवेअंतर्गत ही माहिती मिळाली आहे