खासगी वाहनांचे भाडेदर निश्चित

मुंबई – प्रवाशांची होणारी लूट थांबविण्यासाठी खासगी तसेच कंत्राटी वाहनांचे भाडेदर निश्चित करण्याचा निर्णय शासनाने घेतला आहे. यानुसार या खासगी वाहनांना आता गर्दीच्या हंगामात एसटीच्या तुलनेत जास्तीत जास्त दीडपट भाडे आकारता येणार आहे. अशी माहिती परिवहन मंत्री दिवाकर रावते यांनी दिली. यापुढे अधिक भाडे आकारणाऱ्या वाहनाचा परवाना रद्द केला जाईल. असंही ते यावेळी म्हणाले. यासंदर्भातील शासन निर्णय जारी करण्यात आला आहे.या निर्णयामुळे सर्वसामान्यांना दिलासा मिळणार आहे. खाजगी वाहन धारकांकडून मनमानी भाडे आकारले जात होते यास आता चपराक बसणार आहे.