ट्रोल करणाऱ्यांना प्रिया बापटाने या शब्दात दिले सडेतोड उत्तर
पुणे- अभिनेते, अभिनेत्री कोणत्या गोष्टींवर ट्रोल होतील याचा नेम नाही. सेलिब्रेटींना सोशल मीडियावर ट्रोल करण्यात येणे काहीही नवीन नाही. नुकताच प्रिया बापटने सई ताम्हणकर सोबतचा एक फोटो इन्स्टाग्रामवर पोस्ट केला आहे. या फोटोत तिने घातलेल्या कपड्यांवरून काही नेटिझन्सने तिला खडे बोल सुनावले आहेत. पण तिने देखील त्यांना सडेतोड उत्तर दिले आहे. तसेच तिच्या फॅन्सने देखील कमेंटद्वारे तिला पाठिंबा दर्शवला आहे.
मला माहिते आहे प्रत्येकाला आपले एक स्वतंत्र मत असते. सोशल मीडियाच्या माध्यमातून तुम्हाला तुमचे मत मांडण्याचे स्वातंत्र्य आहे. पण कोणाच्याही पेहरावावरून ते कसे आहेत ते ठरवू नका. मला ज्यांनी पाठिंबा दिला त्यांची मी आभारी आहे. पण ज्यांना माझा पेहराव आवडला नाही त्यांच्या मताचा देखील मी आदर करते. प्रवृत्ती कपड्यांतून नाही तर वागणुकीतून दिसते. माझे कपडे ही माझी ओळख नव्हे. इमेज आपल्या वागणुकीने आणि कामाने तयार होते. आपण काय कपडे घालतो याने होत नाही. पण तुम्हाला आवडलं नाही तरी हरकत नाही, त्यावरून माणसाची परीक्षा करणे मात्र चूक आहे. पण असो. या ट्रोलिंगने मला वाईट वाटत नाही. माझी सहनशक्ती वाढते असे सडेतोड उत्तर दिले आहे. प्रिया बापट यांच्या फॅन्सने तिची बाजू घेतली आहे.