राहुल गांधींना गुजरात हायकोर्टाचा दिलासा नाही

सुरत । मोदी आडनाव बदनामी प्रकरणी राहुल पुनर्विलोकन याचिकेवर आज गुजरात उच्च न्यायालयात सुनावणी झाली. दोन दिवस युक्तिवाद ऐकल्यानंतर हायकोर्टाने निकाल राखून ठेवला आहे. न्यायालय आता जूनमध्ये निकाल देण्याची शक्यता आहे. यापूर्वी शुक्रवारी ज्येष्ठ वकील अभिषेक मनु सिंघवी यांनी राहुल गांधी यांच्या वतीने न्यायालयात युक्तिवाद केला. सिंघवी यांचा युक्तिवाद पूर्ण झाल्यानंतर न्यायमूर्ती हेमंत प्रच्छक म्हणाले होते की, आता तक्रारदाराला त्यांची बाजू मांडू द्या. २३ मार्च रोजी सुरतच्या सत्र न्यायालयाने राहुल गांधींना कलम ५०० अंतर्गत दोन वर्षांची शिक्षा सुनावली होती. मात्र, त्यांना कोर्टातून लगेच जामीन मिळाला. या शिक्षेला स्थगिती देण्याची विनंती काँग्रेस नेते राहुल गांधी यांनी कोर्टात केली होती. जी कोर्टाने फेटाळली.