‘सेक्रेड गेम्स’ला झटका ; नवीन भाग प्रदर्शनास बंदी
नवी दिल्ली-नेटफ्लिक्सच्या ‘सेक्रेड गेम्स’ या वेब सीरिजविरोधात दिल्ली उच्च न्यायालयात याचिका दाखल करण्यात आली होती. या याचिकेवरील सुनावणी आज सोमवार झाली. या वेब सीरिजचे आठ भाग प्रदर्शित झाले आहे त्यामुळे त्यावर काही करता येणार नाही परंतु नवीन भाग प्रदर्शित करू नयेa असे आदेश न्यायालयाने दिले आहेत. त्याचप्रमाणे या वेब सीरिजमधील आक्षेपार्ह संवादासाठी अभिनेत्यांना जबाबदार ठरवता येणार नाही असेही न्यायालयाने स्पष्ट केले आहे.
Netflix 'Sacred Games' case: Delhi High Court says actors cannot be held liable for the dialogues. All 8 episodes have already been aired. Nothing new will be aired. Court to now hear the matter on Thursday.
— ANI (@ANI) July 16, 2018
‘सेक्रेड गेम्स’च्या काही दृश्यांत माजी दिवंगत पंतप्रधान राजीव गांधी यांच्याबाबत आक्षेपार्ह आशय आहे, त्यामुळे ते काढून टाकावेत अशी मागणी करणारी याचिका दिल्ली उच्च न्यायालयात दाखल झाली होती. यातील काही दृश्ये व संवाद आक्षेपार्ह असून त्यात दिवंगत काँग्रेस नेते राजीव गांधी यांची बदनामी झाली आहे, असा आरोप याचिकेत केला आहे.
या सगळ्या प्रकारास अभिनेते नसीरूद्दीन सिद्दीकी, नेटफ्लिक्स व सेक्रेड गेम्सचे निर्माते जबाबदार आहेत,’ असे काँग्रेस कार्यकर्ते राजीव सिन्हा यांनी तक्रारीत म्हटले होते. या याचिकेवरील पुढील सुनावणी १९ जुलै रोजी होणार आहे.