अखेर शरद यादव यांनी वसुंधरा राजे यांची मागितली माफी

जयपूर-जनता दल संयुक्तचे माजी नेते व माजी केंद्रीय मंत्री शरद यादव यांनी राजस्थानच्या अलवर येथील सभेत बोलताना, वसुंधराराजेंना आता आराम करू द्या. त्या खूप थकल्या आहेत. वसुंधराराजे खूप जाड झाल्या आहेत. पूर्वी त्या खूप बारीक होत्या, असे वक्तव्य केले होते. या वक्तव्यामुळे राजस्थानच्या मुख्यमंत्री वसुंधरा राजे यांनी माझा अपमान झाला असून हा समस्त महिलावर्गाचा अपमान असल्याचे सांगितले होते. दरम्यान शरद यादव यांनी वसुंधरा राजे यांची माफी मागितली आहे. वसुंधराराजे यांच्यासोबत जुने कौटुंबिक संबंध आहेत. माझ्या शब्दांमुळे त्यांच्या भावना दुखावल्या गेल्या असतील तर मी माफी मागतो, याबाबत मी त्यांना एक पत्र देखील लिहिणार आहे असे सांगितले आहे.

संबंधित बातमी-शरद यादव यांच्या वक्तव्यामुळे समस्त महिला वर्गांचा अपमान-वसुंधरा राजे 

निवडणूक आयोगाकडे तक्रार
शरद यादव यांची टिप्पणी एका महिलेसाठी लज्जास्पद असून त्यांचा हा दृष्टिकोन सर्व महिलांसाठी अपमानकारक आहे, तसेच, ही बाब अत्यंत क्लेशदायक असून याची निवडणूक आयोगाने दखल घ्यावी, अशी तक्रार राजस्थानच्या मुख्यमंत्री वसुंधरा राजे यांनी केली होती.