मंदीचा परिणाम शेअर मार्केटवर; सेन्सेक्स ८०० अंकांनी कोसळले

मुंबई: व्यापार, उद्योग क्षेत्रात सध्या जोरदार मंदी आहे. अनेक उद्योग-धंदे बंद पडले आहे. नोकऱ्या जात आहेत. त्याचा परिणाम आता शेअर मार्केटवर देखील जाणवू लागला आहे. जीडीपी दर अपेक्षेपेक्षा कमी झाले. दरम्यान आज मंगळवारी ३ रोजी दुपारी सेन्सेक्समध्ये तब्बल ८०० अंकांची घसरण झाली. त्यामुळे सेन्सेक्स ३६,५००वर पोहोचला. निफ्टीतही २४.४० अंकांची घसरण नोंदवून तो १०७८२.८५ वर पोहोचला.

सुरुवातीच्या सत्रात सकाळी १०.२२ वाजता सेन्सेक्स ४१३.५८ अंकांनी घसरून ३६, ९१९.२१ अंकांवर व्यवहार सुरू होते. निफ्टीतही १२९.३० अंकांची घसरण नोंदवली होती. दरम्यान, उत्पादन क्षेत्रात ऑगस्टमध्ये विक्री घटल्यानं शेअर बाजारात निराशा आहे. उत्पादन घटल्यानं केलेली गुंतवणूक आणि खर्च यातील नुकसानही अद्याप भरून निघालं नाही. याआधी जूनच्या तिमाहीत जीडीपी दर सहा वर्षांतील निच्चांकीवर पोहोचलं होतं. ऑगस्टमध्ये वाहन विक्रीच्या आकडेवारीमुळं शेअर बाजारात निराशा आहे. मारुती सुझुकीच्या विक्रीत ३३ टक्क्यांहून अधिक घट झाली. टाटा मोटर्सच्या पेसेंजर वाहनांची विक्रीही ५८ टक्क्यांनी घसरली आहे. याशिवाय महिंद्रा अँड महिंद्रा, बजाज ऑटोच्या वाहन विक्रीतही घट नोंदवली आहे.