श्रीराम मंदिर संस्थानतर्फे आज श्रीराम रथोत्सव

महाआरतीनंतर होणार रथोत्लवाला प्रारंभ,147 वर्षाची परंपरा कायम

जळगाव: जळगाव नगरीचे ग्रामदैवत श्रीराम मंदिर संस्थानतर्फे 147 वर्षाची परंपरा कायम ठेवून कार्तिक प्रबोधिनी एकादशीनिमित्त उद्या दि.8 रोजी रथोत्सव साजरा करण्यात येत आहे.रथोत्सवाची तयारी पूर्ण झाली असून पहाटे 4 वाजता काकडारती, प्रभु श्रीरामांच्या उत्सवमुर्तीस महाभिषेक, सकाळी 7 वाजता महाआरती,सकाळी 7.30 ते 8.30 सांप्रदायिक परंपरेचे भजन. त्यानंतर मंदिराच्या प्रांगणात सकाळी 10.30 वाजता ब्रह्मवृंदाच्या उपस्थितीत वेदमंत्रघोषात ह.भ.प.मंगेश महाराज जोशी यांच्या हस्ते श्रीराम रथाचे महापूजन करण्यात येणार आहे.

रथोत्सवाला दुपारी 12 वाजता होणार प्रारंभ

मंगेश महाराज यांच्या हस्ते श्रीराम रथाची महाआरती होवून संस्थानतर्फे उपस्थित प्रमुख अतिथी व रथोत्सवाचे मानकरी, सेवाधारी यांचा सत्कार करण्यात येईल. त्यानंतर श्रीराम रथावर आरूढ होणारी प्रभू श्रीरामचंद्रांची उत्सवमूर्तीची आरती होवून रथावर मुर्तीविराजमान होईल.रथावर गरूड,मारुती,अर्जुन,दोनघोडे,इ.मुर्त्या तसेच पुष्पहारांनी सजवलेल्या श्रीराम रथाच्या दिंडी सोहळ्यास प्रभु श्रीरामांच्या जयघोषात प्रारंभ होईल. रथाचे अग्रभागी समई,नगारा वादन,चौघडा,झेंडेकरी,बँन्डपथक,वारकरी सांप्रदायिक भजनी मंडळ,वावडडा, गुरूदत्त भजनी मंडळ पाथरी,श्रीराम भजनी महिलामंडळ,पाडळी,बुलढाणा,मंडाबाई भजनी मंडळ व श्रीराम भजनी मंडळ,मेहरूण,तसेच आसपासचे खेडयावरीलभजनी मंडळी,श्री संत मुक्ताबाईच्या पादुका असलेली पालखी व त्यामागे श्रीरामरथ,असा भव्यदिव्य जलग्रामनगरदिंडी प्रदक्षिणा रथयात्रेस मिरवणुकीस सकाळी 12 वाजता श्रीराम मंदिर येथून प्रारंभ होईल.

रथोत्सवाचा असा आहे मार्ग

श्रीराम मंदिर,भोईटे गढी,आंबेडकर नगर,तेली चौक,श्रीराम मंदिराचे मागील गल्लीतून, रथचौक,बोहरागल्ली,सुभाष चौक,सराफ बाजारातील महालक्ष्मी मंदिर येथे भजनाचा कार्यक्रम होवून मरिमाता मंदिर,भिलपुरा मार्गे भिलपुरा येथील संत अप्पा महाराजांचे परममित्र संत लालशाबाबा यांची समाधी येथे श्रीराम रथाचे सेवाधारी रामसेवक माल्यार्पण करतील. बालाजी मंदिर,रथचौकात रथ रात्री बारा वाजता येईल. प्रभू श्रीरामांच्या उत्सवमुर्तीस पालखीत ठेवून वाजतगाजत श्रीराम मंदिरात आणण्यात येईल. रात्री प्रभुश्रीरामांची आरती होईल.

रथोत्सवाला मान्यवरांची असणार उपस्थिती

याप्रसंगी जलसंपदा मंत्री गिरीश महाजन,खासदार उन्मेश पाटील,आमदार राजूमामा भोळे, माजी महसूल मंत्री आ.एकनाथराव खडसे, जिल्हाधिकरी अविनाश ढाकणे, पोलिस अधिक्षक डॉ.पंजाबराव उगले,तहसिलदार वैशाली हिंगे,तलाठी श्री.वंजारी ,राजेश जैन,माजी महापौर ललित कोल्हे, विष्णू भंगाळे, नितीन लढा, विश्व हिंदू परिषदेचे भगवती प्रसाद मुंदडा, सनातन संस्थेचे नंदकुमार जाधव, उत्राणकर महाराज, विरेंद भोईटे, कैलास सोनवणे, प्रांताधिकारी दिपमाला चौरे, सर्कलाधिकारी योगेश नन्नवरे, मुकुंदा सोनवणे,रा.स्व.संघाचे योगेश्वरगर्गे, माजी खासदार, डॉ.उल्हास पाटील, पोलिस उपअधिक्षक डॉ.निलाभ रोहन यांच्यासह रथोत्सव समितीचे अध्यक्ष भालचंद्र पाटील,कार्याध्यक्ष प्रभाकर पाटील, संजय चौधरी, शैलेंद्र पाटील, भानुदास चौधरी, विलास चौधरी, दादा नेवे, शिवाजी भोईटे, भरत अमळकर, सुशील अत्रे, सुजित पाटील, दिलीप कुलकर्णी उपस्थित राहणार आहेत.