चिदंबरम यांना धक्का; सुप्रीम कोर्टाने याचिका फेटाळली !

नवी दिल्ली : माजी केंद्रीय अर्थमंत्री आणि काँग्रेसचे ज्येष्ठ नेते पी. चिदंबरम यांना दिल्ली हायकोर्टाने आयएनएक्स मीडिया प्रकरणी अटकपूर्व जामीन देणास नकार दिला. या निर्णयाविरोधात त्यांनी सुप्रीम कोर्टात अपील केली होती, यावर आज सोमवारी सुप्रीम कोर्टात सुनावणी झाली असता कोर्टाने दिल्ली उच्च न्यायालयाचा निर्णय कायम ठेवत याचिका फेटाळली. त्यामुळे चिदंबरम यांना जामीन मिळणार नसल्याचे स्पष्ट झाले आहे. सध्या चिदंबरम हे सीबीआयच्या कोठडीत आहे.

आयएनएक्स मीडिया प्रकरणात पी. चिदंबरम यांची अटकपूर्व जामीन याचिका दिल्ली हायकोर्टाने फेटाळली होती. या निर्णयाला आव्हान देत पी. चिदंबरम यांनी सुप्रीम कोर्टात धाव घेतली होती. मात्र, याप्रकरणी गेल्या शुक्रवारी सुप्रीम कोर्टाने सुद्धा त्यांच्या याचिकेवर तात्काळ सुनावणी अशक्य असल्याचे सांगितले होते. त्यांच्या या याचिकेवर आज सुप्रीम कोर्टात सुनावणी होणार आहे. >दरम्यान, आयएनएक्स मीडिया प्रकरणात सीबीआय कोर्टाने पी. चिदंबरम यांना 26 ऑगस्टपर्यंत कोठडी सुनावली आहे. सीबीआयने गेल्या बुधवारी रात्री उशीरा त्यांच्यावर अटकेची कारवाई केली होती. या प्रकरणातील सुनावणीसाठी गुरुवारी पी. चिदंबरम यांना सीबीआय कोर्टात हजर करण्यात आले. पी. चिदंबरम या प्रकरणातील चौकशीमध्ये सहकार्य करत नसल्याचे सांगत सीबीआयचे वकील तुषार मेहता यांनी 5 दिवसांच्या सीबीआय कोठडीची मागणी केली होती. त्यामुळे सीबीआय कोर्टाने पी. चिदंबरम यांना चौकशीसाठी 26 ऑगस्टपर्यंत सीबीआय कोठडी सुनावली आहे.