शहरातून सवाद्य काढली तंबाखूजन्य पदार्थांची अंत्ययात्रा

जागतिक तंबाकु मुक्ती दिन ; चेतना व्यसनमुक्ती केंद्रातर्फे उपक्रम

जळगाव – जागतिक तंबाखू मुक्ती दिनानिमित्ताने शहरातील चेतना व्यसन मुक्ती केंद्रातर्फे शहरातून तंबाखूजन्य पदार्थांची सवाद्य अंत्ययात्रा काढण्यात आली. वाजत गाजत निघालेल्या या अंत्ययात्रेने शहरवासियांचे लक्ष वेधले होते. सैराटच्या झिंगाट या गाण्याच्या झुनमुळे अंत्ययात्रा जनसामान्यांच्या आकर्षणाची केंद्रबिंदू ठरली.

शहरातील शिवाजी पुतळा ते महात्मा गांधी पुतळा पर्यंत काढण्यात आली होती. चेतना व्यसनमुक्ती केंद्रा तर्फे आयोजित या सामाजिक उपक्रमाला उत्स्फूर्त प्रतिसाद लाभला. अत्यंत शांत व शिस्तबद्धतेने या अंत्ययात्रेला प्रतिसाद शहरातील जनसामान्यांकडून मिळत होता. सामान्य स्तरातील प्रत्येक व्यक्तीला आज व्यसनानी आपल्या विळख्यात घेतले आहे. त्यामुळे आज जागतिक तंबाखू विरोधी दिनानिमित्त तंबाखूजन्य पदार्थांची तिरडी सजवून शिवाजी पुतळा ते गांधी पुतळा ही अंत्ययात्रा निघाली होती. या अंत्ययात्रेला चेतना व्यसन मुक्ती केंद्राचे संचालक नितीन विसपुते, डॉ. महेंद्र काबरा, एड. हेमंत मुग्लियार, विद्या सोनार आदी मान्यवर उपस्थित होते. यशस्वितेसाठी विशाल सोनवणे, हर्षल पोतदार, प्रतीक सोनार, दीपक पाटील, सुरेश कनासे, फिरोज तडवी, शिवा जमदाळे, मो. हारिफ, शेरखान भिस्ती, सागर धनगर आदी कार्यकर्त्यांनी यशस्वितेसाठी परिश्रम घेतले.