रविवार असल्याने कर्नाटकात प्रचारासाठी उतरले दिग्गज

बंगळुरु : कर्नाटकमध्ये प्रचाराचा रणधुमाळीत आज शेवटचा रविवार असल्याने सगळ्या पक्षांचे बडे नेते रस्त्यावर उतरलेत. सकाळी पंतप्रधान नरेंद्र मोदींनी चित्रदूर्गमध्ये सभा घेतली. मुख्यमंत्री सिद्धरामय्यांनी पत्रकार परिषद घेऊन भाजपच्या विविध प्रश्नांना उत्तरे दिली. केंद्रातले मोदी सरकार नागरिकांच्या सगळ्या अपेक्षा धुळीला मिळवल्याचा दावा सिद्धरामय्यांनी केला.

कर्नाटकात मोदी आज रायचूर, जमखंडी आणि हुबळीतही सभा घेणार आहेत. अमित शहा देखील बेळगावमध्ये दोन सभा आणि दोन रोड शो कऱणार आहेत. अमित शहा सर्वात आधी बेळगावच्या तालुक स्टेडियममध्ये सभा घेतील. त्यानंतर ते सौदत्ती येल्लमा मंदिरात दर्शनासाठी जातील. त्यानंतर बेळगाव दक्षिण विधानसभा मतदारसंघात त्यांचा रोड शो होणार आहे. त्यानंतर बेळगावच्या उत्तर विधानसभा मतदारसंघात ते दुसरा रोड शो करतील. रामदुर्गमध्ये अमित शाहांची दुसरी सभा होणार आहे.