12 वर्षाच्या मुलीने तोडला ऑलिम्पिक रेकॉर्ड
जमैका । एका 12 वर्षाच्या मुलीने रविवारी पार पडलेल्या बॉईज अ‍ॅण्ड गर्ल्स चॅम्पिअनशिपमध्ये धावण्याचा एका नवा रेकॉर्ड आपल्या नावे केला आहे. ब्रिआना लिस्टन असे या मुलीचं नाव असून कॅरेबिअन देशांमध्ये सर्वात वेगवान धावण्याचा रेकॉर्ड तिच्या नावावर झाला आहे. जमैकाचा विश्‍वविक्रमवीर धावपटू उसेन बोल्ट याच्याशी तिची तुलना होत आहे.
प्रतिस्पर्ध्यांना मागे टाकत लिस्टनचा नवा इतिहास
12 वर्षाच्या ब्रिआनाने फक्त 23.72 सेकंदात 200 मीटर शर्यत पुर्ण केली. लिस्टनसोबत या शर्यतीत सहभागी झालेल्यांच्या तुलनेत लिस्टनने 0.88 सेंकदआधीच शर्यत पुर्ण केली होती. आपल्या प्रतिस्पर्ध्यांना मागे टाकत लिस्टनने नवा इतिहास निर्माण केला आहे. याआधी 200 मीटर सीनिअर कॅटेगरीमध्ये हा वर्ल्ड रेकॉर्ड 1988 ऑलिम्पिकमध्ये सहभागी झालेल्या फ्लोरेन्स ग्रिफिथ जोएनरच्या नावे होता. फ्लोरेन्सच्या 2 सेकंदआधी लिस्टनने शर्यत पुर्ण करत नवा रेकॉर्ड आपल्या नावे केला आहे. चौथीत शिकत असलेल्या लिस्टनने 100 मीटर स्पर्धेतही भाग घेतला होता. यावेळीही लिस्टनने 11.86 सेकंदात शर्यत पुर्ण करत आपली शानदार कामगिरी कायम ठेवली. लिस्टनची कामगिरी पाहता तिची तुलना जमैकाचा विश्‍वविक्रमवीर धावपटू उसेन बोल्टशी केली जात आहे.