ट्विटरने भारतीय सेनेचे Chinar Corpsचे अकाऊंट पुन्हा केले सुरू !

नवी दिल्लीः ट्विटरने भारतीय Chinar Corpsचं चुकून सस्पेंड केलेले अकाऊंट पुन्हा सुरू केले आहे. Chinar Corpsही जम्मू-काश्मीरमधल्या एलओसीवर तैनात आहे. चिनार कॉर्प्स हे जम्मू-काश्मीरमधल्या भारतीय लष्करांचा महत्त्वाचा भाग आहे. जम्मू-काश्मीरमधल्या दहशतवादविरोधी अभियानाची जबाबदारी चिनार कॉर्प्सवर आहे.

भारतीय लष्कराच्या एका अधिकाऱ्याने सांगितले की, जेव्हा ट्विटर अकाऊंट सस्पेंड केले, त्यानंतर ट्विटरशी संपर्क साधण्यात आला होता. ट्विटर काल संध्याकाळपर्यंत अकाऊंट पुन्हा सुरू होणार असल्याचं सांगितले होते. Chinar Corpsचे ट्विटरवर फॉलोअर्स 40 हजारांच्या घरात आहेत. 1.8 मिलियन अकाउंटची पडताळणीदरम्यान Chinar Corpsचे अकाऊंट सस्पेंड करण्यात आले होते. काही वर्षांपूर्वीच भारतीय लष्कराला सोशल मीडियावर सक्रिय राहण्यास सांगण्यात आले होते. जेणेकरून पाकिस्तानकडून भारतासंदर्भात पसरवण्यात येणाऱ्या खोट्या बातम्यांना आळा घालण्यात येईल. जम्मू-काश्मीरमध्ये दहशतवादाविरोधातल्या अभियानासंदर्भात Chinar Corps अकाऊंटवरूनच मिळत असते.