यूपीत सिलिंडरच्या स्फोटने इमारत कोसळली; ११ जण ठार !

मऊ: उत्तर प्रदेशात मऊ येथे आज सोमवारी सकाळी सिलेंडरचा स्फोट झाल्याने दोन मजली इमारत कोसळली. या दुर्घटनेत ११ जणांचा मृत्यू झाला असून १५ जण जखमी झाले आहेत. स्फोट इतका भयानक होता की, दोन मजली इमारत अक्षरश: जमीनदोस्त झाली. इमारतीचा कोसळलेला भाग हटवण्याचे काम सुरु असून अनेकजण खाली दबले असण्याची भीती आहेत. घटनास्थळी बचावकार्य सुरु आहे. दुसरीकडे मुख्यमंत्री योगी आदित्यनाथ यांनी दुर्घटनेवर शोक व्यक्त करत जखमींना योग्य उपचार देण्याचा आदेश दिला आहे.