वादळी वाऱ्यामुळे यावल तालुक्यातील वड्री, मोहराळा, कोरपावली, हरिपुरा, कोळवद ई. शिवारात झालेल्या नुकसानीची खासदार श्रीमती रक्षाताई खडसे यांनी प्रत्यक्ष भेट देऊन केली पाहणी

न्हावी प्रतिनिधी l दि.२९ मे रोजी जिल्ह्यातील यावल तालुक्यात वादळी वाऱ्यामुळे वड्री, मोहराळा, कोरपावली, हरिपुरा, कोळवद ई. शिवारात झालेल्या नुकसानीची महसूल व कृषी विभागाच्या अधिकाऱ्यांसह खासदार रक्षाताई खडसे यांनी प्रत्यक्ष भेट देऊन पाहणी केली, तसेच यावर तत्काळ योग्यती कार्यवाही करण्याच्या संबंधितांना सूचना केल्या.

याआधी एप्रिल महिन्याच्या शेवटी अवकाळी पाऊस व जोरदार वादळामुळे रावेर व यावल तालुक्यातील उभ्या पिकांचे तसेच राहत्या घरांचे खूप मोठे आर्थिक नुकसान होऊन शेतकऱ्यांचे व रहिवास्यांचे कंबरडे मोडले गेले असून, त्यांना लवकरात लवकर मदत मिळवून देण्यासाठी आपल्या परीने पुरुपूर प्रयत्न चालू असून, त्यासोबत आता झालेल्या नुकसानीची मदत मिळवून देणेबाबत खासदार रक्षाताई खडसे यांनी आश्वासन देऊन नुकसानग्रस्त शेतकऱ्यांना धिर दिला.

यावेळी खासदार रक्षाताई खडसे यांच्यासह हर्षल पाटील, जिल्हा अध्यक्ष किसन मोर्चा नारायण बापू चौधरी, तालुकाध्यक्ष उमेश फेगडे, तालुका सरचिटणीस विलास चौधरी, उज्जैनसिंग राजपूत, माजी जि.प.सदस्य सविता भालेराव, कांचन फालक, बाजार समिती संचालक राकेश फेगडे, भाजयुमो तालुकाध्यक्ष सागर कोळी, तालुका उपाध्यक्ष किशोर पाटील, यावल शहराध्यक्ष निलेश गढे, ओबीसी मोर्चा जिल्हा उपाधयक्ष हेमराज फेगडे, बाजार समिती संचालक पंकज चौधरी, सरपंच वड्री अजय भालेराव, संजय पाटील, लहू पाटील ई. उपस्थित होते.