नवापूरला वीर सावरकर गौरव यात्रेला सुरुवात

। नवापूर प्रतिनिधी ।

भाजपा स्थापना दिन व स्वातंत्र्यवीर विनायक दामोदर सावरकर गौरव यात्रेनिमित्त नवापूर शहरातील सुमाणिक चौकातील भाजपा कार्यालयावर गुरुवारी, ६ एप्रिल रोजी सकाळी ११ वाजेला भाजपचे तालुकाध्यक्ष भरत गावित यांच्या हस्ते कार्यालयावर वजारोहण करण्यात आले. त्यानंतर वीर सावरकर गौरव यात्रेला सुरुवात करण्यात आली. याप्रसंगी भारत माता, डॉ. शामाप्रसाद मुखर्जी, पंडीत दिनदयाल उपाध्याय यांच्या प्रतिमेचे पूजन करून यात्रेला सुरुवात करण्यात आली. ही यात्रा शहरातील सर्व मुख्य मार्गावर काढण्यात आली. यात्रेचा समारोप डॉ. बाबासाहेब पुतळ्याजवळ करण्यात आला.

यावेळी तालुकाध्यक्ष भरत गावित, जिल्हा सरचिटणीस राजेंद्र गावित, अल्पसंख्याक प्रदेश उपाध्यक्ष एजाज शेख, जाकीर पठाण, अजय गावित, जयंतीलाल अग्रवाल, जितेंद्र अहिरे, जयवंत जाधव, रमला राणा, जिग्रेशा राणा, दुर्गा वसावे, माजी नगरसेवक सुनिता वसावे, शहराध्यक्ष प्रणव सोनार, स्वप्निल मिस्त्री, निलेश प्रजापत, बाबा वाणी, घनशाम परमार, माजी नगरसेवक महेंद्र सोनार, जैनु गावित, कृष्णाल दुसाने, शंभु सोनार, हेमंत शर्मा, गोपी सैन, भिमसिंग गावित यांच्यासह भाजपचे पदाधिकारी, कार्यकर्ते उपस्थित होते.