वाळकी येथे एकाच दोराला साली, मेव्हण्याचा गळफास

प्रेमप्रकरणातून केली आत्महत्या

चोपडा( प्रतिनिधी):- तालुक्यातील वाळकी शिविरातील शालीक नवल पाटील यांच्या शेताच्या बांधावरील बोराचा झाडाला दोघा प्रेमी युगलांनी एकाच दोराला गळफास घेऊन आत्महत्या केली असुन पोलिस पाटील वासुदेव पाटील यांच्या खबरीवरुन ग्रामीण पोलिस स्टेशनला अकस्मात मृत्यूची नोंद करण्यात आली आहे .
याबाबत पोलिस सुत्रांकडुन प्राप्त माहिती अशी की, तालुक्यातील वाळकी येथे मध्ये प्रदेशातील आदिवासी कुटुंब उदरनिर्वाहासाठी गेल्या १०/१५ वर्षापासुन आले आहेत. ते निम्माहिस्साने शेती हा व्यवसाय करीत होते. दोघेही कुटुंब वाळकी गावात शेजारीच राहत होते. दोघेही एकाच समाजाचे असल्यामुळे व नातेवाईकच होते. दोघांचे एकमेकांच्या घरी येणेजाणे होते. नात्याने सख्खे साली व मेहुणे असलेलेे ते दोघे एकमेकांच्या प्रेमात पडले. परंतु दोघांच्या घरी हा विषय समजल्याने विरोध होवु लागला होता. अनिल सरदार बारेला (३०) रा. देवली दुगाणी ता. वरला जिल्हा बडवानी व चिंगी मुरला बारेला (१९) रा, रोजानीमाल ता.वरला जिल्हा बडवानी या दोन्ही प्रेमीयुगलांचे मृतदेह आज सकाळी ११वाजेचा सुमारास शालिक नवल पाटील यांचा शेताचा बांधावर बोराचा झाडावर गळफास घेतलेल्या अवस्थेत आढळून आले असल्याची माहिती वाळकी येथील पोलीस पाटील अर्जुन पाटील यांनी चोपडा ग्रामीण पोलीस स्टेशनला दिली. घटनास्थळी पोनि भिमराव नंदुरकर, सहाय्यक फोजदार नामदेव महाजन, पोहेकाँ सुनिल जाधव यांनी स्थानिक नागरीकांच्या मदतीने प्रेमी युगलांचा मृतदेह झाडावरुन खाली उतरवून ताब्यात घेऊन चोपडा उपजिल्हा रुग्णालयात आणुन शवविच्छेदन डॉ. शरद पाटील यांनी असुन केले दोघांच्याही मृतदेह नातेवाईकांनी ताब्यात घेऊन मुळगावी मध्येप्रदेशात अंत्यसंस्कार करण्यात येणार आहे. पुढील तपास पो.नी नंदुरकर यांच्या आदेशान्वये स.फौ.नामदेव महाजन करीत आहे.