पश्चिम बंगालमधील १०७ आमदार भाजपच्या संपर्कात; भाजप नेत्यांनी दाखविली यादी

कोलकाता: पश्चिम बंगलामधील भाजप आंनी तृणमूलमधील राजकारण या लोकसभा निवडणुकीत अधिकच तापल्याचे दिसले. दरम्यान आता भाजपा नेता मुकूल रॉय यांनी काँग्रेस आणि माकपचे आमदार आपल्या संपर्कात असल्याचे सांगितले आहे. तब्बल १०७ आमदार भाजपात येण्यास इच्छुक असल्याचेही रॉय यांनी म्हटले आहे. विशेष म्हणजे रॉय यांनी एक फाईल दाखवून यामध्ये त्या सर्व आमदारांचे आणि पक्षाचे नाव असल्याचेही ते म्हणाले. कोलकाता येथील भाजपाच्या नवीन कार्यालयात मुकूल रॉय यांनी पत्रकार परिषद घेऊन हा गौप्यस्फोट केला. मात्र, या आमदारांच्या नावांची यादी जाहीर करण्यास आणि माध्यमांना देण्यास नकार दिला. ऑगस्ट महिन्यातील पहिल्या आठवड्यापासून हे आमदार भाजपाचे सदस्यत्व स्विकारण्यास सुरुवात करतील, असेही रॉय यांनी म्हटले आहे.

कर्नाटक आणि गोवा या दोन राज्यांतील फोडाफोडी सुरू असतानाच भाजपचे आता पश्चिम बंगाल सरकार पडण्यासाठी प्रयत्न सुरु केले आहे. तृणमूल, सीपीएम आणि काँग्रेसचे मिळून १०७ आमदार लवकरच भाजपमध्ये येणार असल्याचा दावा भाजप नेते मुकुल रॉय यांनी केला. असे झाल्यास विरोधकांच्या गोटातील अस्वस्थता पुन्हा एकदा चव्हाट्यावर येईल. तसेच ममतांच्या तृणमूल सरकारवर दबाव वाढण्याची शक्यता आहे.