XXX च्या पुढच्या भागातही दीपिका

मुंबई: XXX: Return of Xander Cage या चित्रपटातून बॉलीवूडची मस्तानी म्हणजेच दीपिका पदुकोनने हॉलिवूडमध्ये पदार्पण केलं. आता या चित्रपटाचा चौथा भाग लवकरच प्रदर्शित होत आहे आणि पुढील भागातदेखील दीपिका पादुकोणची महत्त्वाची भूमिका असणार आहे.

या चित्रपटाचे दिग्दर्शक डिजे कॅरोसो यांनी नुकतीच या चित्रपटाच्या पुढील भागाची घोषणा केली आहे. चाहत्यांनी कॅरोसो यांना दीपिकाबद्दलही प्रश्न विचारला. चित्रपटाच्या पुढील भागात दीपिका दिसणार का असा प्रश्न? ट्विटरवर चाहत्यांनी कॅरोसोला विचारला आणि याचं सकारात्मक उत्तर कॅरोसोनं दिलं आहे.